mujhe gar kabhi koi paigaam likhna

Neetu Hooda

0 comments

mujhe gar kabhi koi paigaam likhna,
to ik iltizaa hai ke benaam likhna.
khuda in lakeeron me likhe na likhe,
hatheliyon par tum mera naam likhna.
wo chahat ke waade, wo ulfat ki kasmen,
hua kya muhabbat ka anjaam likhna.
suna hai tumhaari wafaa bik rahi hai,
ye sach ho agar, to mujhe daam likhna.

Share :

Facebook Twitter Google+