lab pe aati hai duaa banke tamanna meri

Neetu Hooda

0 comments

lab pe aati hai duaa banke tamanna meri
zindagi shamma ki soorat ho khudaya meri

door duniya ka mere dam se andhera ho jaye
har jagah mere chamakne se ujaala ho jaye

ho mere dam se yoon hi mere watan ki zeenat
jis tarah phool se hoti hai chaman ki zeenat

zindagi ho meri parwaane ki soorat ya rab
ilm ki shamma se ho mujhko mohabbat ya rab

ho mera kaam gareebon ki himayat karana
dardmando se zaeefon se muhabbat karna

mere allah burai se bachana mujhko
nek jo raah ho us rah pe chalana mujhko 

Share :

Facebook Twitter Google+