ruk gayaa aankh se bahtaa hua dariyaa kaise
ruk gayaa aankh se bahtaa hua dariyaa kaise,
gham ka toofaan to bahut tez tha, thahraa kaise.
har ghadi tere khayaalon mein ghiraa rahtaa hoon,
milnaa chaahoon to miloon khud se main tanhaa kaise.
mujh se jab tark-e-taalluk ka kiyaa ahad to fir,
mud ke meri hi taraf aapne dekhaa kaise.
mujh ko khud par bhi bharosa nahi hone paata,
log kar lete hain gairon pe bharosaa kaise.
doston, shukr karo, mujhse mulaakaat huyee,
ye na poochhho ki lutee hai meri ye duniyaa kaise.
dekhee hothon ki hansee zakhm na dekhe dil ke,
aap duniyaa ki tarah khaa gaye dhokhaa kaise.
aur bhi ahal-e -khirad ahl-e-zunoon the maujood,
lut gaye hum hi teri bazm mein tanhaa kaise.
is janam mein to kabhi main na idhar se guzraa,
teri raahon mein mere naqsh-e-cuff-e-paa kaise.
zulfen chehre se hataa lo ki hataa doon main khud,
'noor' ke hote huye itna andhera kaise.
gham ka toofaan to bahut tez tha, thahraa kaise.
har ghadi tere khayaalon mein ghiraa rahtaa hoon,
milnaa chaahoon to miloon khud se main tanhaa kaise.
mujh se jab tark-e-taalluk ka kiyaa ahad to fir,
mud ke meri hi taraf aapne dekhaa kaise.
mujh ko khud par bhi bharosa nahi hone paata,
log kar lete hain gairon pe bharosaa kaise.
doston, shukr karo, mujhse mulaakaat huyee,
ye na poochhho ki lutee hai meri ye duniyaa kaise.
dekhee hothon ki hansee zakhm na dekhe dil ke,
aap duniyaa ki tarah khaa gaye dhokhaa kaise.
aur bhi ahal-e -khirad ahl-e-zunoon the maujood,
lut gaye hum hi teri bazm mein tanhaa kaise.
is janam mein to kabhi main na idhar se guzraa,
teri raahon mein mere naqsh-e-cuff-e-paa kaise.
zulfen chehre se hataa lo ki hataa doon main khud,
'noor' ke hote huye itna andhera kaise.