ye dard mit gaya to phir ?
ye zakham sil gaya to phir ?
bichad ke sochta hoon main
wo phir se mil gaya to phir ?
main titliyon ke shahar me
rahoon to mujh ko fikar hai
wo phool jo khilaa nahin
wo phool khil gaya to phir ?
tumhe bhi kuchh nahi mila
mujhe bhi kuchh nahi mila
tamam umar ke liye
ye dard mil gaya to phir ?
main is liye to aaj tak
sawaal bhi na kar saka
agar mere sawaal ka
jawab mil gaya to phir ?
ye theek hai ke laut kar
mere hi dil me aaoge
magar ye soch lo zaraa
badal ye dil gaya to phir ?